الثقة بالنفس 4

·      المقال الرابع عن الثقة بالنفس

·      اكيد فى لكل مشروع فى حياتنا اعداء يعنى فى ناس عمرك ما هتقدر ترضيهم مهما عملت الناس دى هما اعداء النجاح ومؤسسين دولة تكسير الثقة بالناس ودول فى كتير منهم قوى وساعات بيكونوا من أقرب الناس لينا أو وانتى ماشية كدة فى الشارع لابيكى ولاعليكى تلاقى واحد من دول راح باصص ليكى البصة اللى هى تكسر عضم التخين فيكى ياجمهورية الثقة بالنفس عايزة اقول بقى وعن خبرة حقيقية فعلا ان اللى زى دول اعتبريهم حشرات لأنهم عمرهم ماهيقدموا حاجة فى حياتنا بالعس دول هيأخروا وهيأخروا قوى كمان يبقى ننساهم من حياتنا خالص ولانعيرهم أى اهتمام ولكن يجب علينا كى نكسب الثقة بأنفسنا ان نحترم عقول من حولنا ايضا ونحترم العادات والتقاليد كى يحترمنا الجميع ويثقوا بنا لتزداد ثقتنا بأنفسنا فنحن لانعيش منفصلين فى عالم معزول ونعلم أيضا ان الله سبحانه وتعالى يرانا فلندعوه اثناء الصلاة ان يهبنا مزيد من حب الناس لتزداد الثقة بأنفسنا وأتمنى أكون وفقت فى الموضوع وياريت اشوف ردودكم الجميلة علشان اعرف المقالات عجبتكم ولا لأه وياترى انا فى حاجات تانية نسياها ولا اية