من مسلسل ادم

·    لقطة من مسلسل آدم

·    اللقطة دى او المشهد دة هو لمحمود

·    الجندى لما كان فى الجامع بيصلى ومحتار

·    يقبل الرشوة الكبيرة اللى الراجل عرضها علية

·    ولا لأة الحقيقة انا اول مرة شفت المشهد دة ضحكت علية جدا واستغربت ان ازاى واحد المفروض يكون عارف ربنا كويس وكمان بيصلى فى الجامع ومع ذلك مرتشى وقابل الرشوة لكن لما رجعت شفت المشهد دة مرة تانية قدرت افهمة بشكل تانى خالص وهو الحالة اللى الناس وصلت ليها من الحوجة وقلت الدخل ممكن يوصلوا اى انسان لمرحلة مكروهة وكمان ساعات يوصل للحرام وكمان يكون عندة لبس بين الحلال والحرام ومش قادر يفرق بينهم السؤال هنا ياترى مين المسئول عن كل اللى بيحصل دة فى مجتمعاتنا

·    الشديدة الفقر وياترى هل الفقر مبرر للسرقة او الرشوة بالتأكيد لأطبعا لأن ياما ناس فقرا وعمرهم ما أخدوا حاجة مش من حقهم لكن هل كل اللى يتعرض لفكرة انة يسرق او يرتشى بيكون بطبعة مجرم بردة اكيد لأ طبعا لكنى من هنا اتمنى من كل فقير او محتاج ان يضع ضميرة امامة دائما ويتقى الله فى كل ما يفعل واتمنى ايضا من كل حاكم فى بلدة ان يراعى الله فى الامانة التى وضعت بين يدية فلقد قال سيدنا عمر بن الخطاب رضى الله عنه

·    لو عثرت دابة فى الشام لسئل عنها عمر