التطور والهواتف

التطور                       

·     التطور والهواتف

·                                                    ازيكو يا جماعة مين فيكوا ياترى فاكر ايام زمان

·                                                    هو مش زمان قوى يعنى هو من حوالى عشرين

·                                                    سنة كدة يعنى او على الاقل هو زمان بالنسبة ليا

·                                                    ساعة اول مرة ركبنا فيها تليفون فى بيتنا وكان

·                                                    حاجة زى الحلم كدة ازاى حتة الحديد دى تقدر

·                                                    توصل اصوات قرايبنا من البلد لحد عندنا وكنت

·                                                    احب قوى الف القرص بتاع التليفون اللى زى

·                                                    اللى فى الصورة دة

·                                                    وبعد شوية زهقنا من القرص ولفة فطلبنا تليفون

·                                                    تانى من بابا وماما بالزراير يعنى هههههه وجة

·                                                    التليفون التانى وبقى يعرض كمان رقم الطالب

·                                                    ولو مش عاجبك ممكن ماتردش علية اه براحتك

·                                                    وبعد شوية ظهر الموبايل اللى كمان كان حاجة

·                                                    زى الخيال او زى الحاجات اللى كانت مع الجواسيس

·                                                    فى الافلام البوليسية واشترينا الموبايل وكل طفل

·                                                    يتولد من هنا ويتشرا معاة موبايلة من هنا آه ماهو

·                                                    حق مكتسب ولا اية وكل يوم عن اللى قبلةيطلع اختراع

·                                                    جديد فى الموبايلات اللى يجيب الراديو وبعد شوية اغانى

·                                                    وكمان الفيديوهات وكمان شوية التليفزيون هو اية اللى ناقص بعد كدة ان الموبايل يطبخ لنا هوهههههه

·                                                    الله دى تبقى حاجة حلوة قوى

·                                                    من كام شهر بقى الموبايل بتاعى اعلن العصيان وطب ساكت لية لأنة بفلاتة زى اللى فى الصورة دى

·                                                    ومن ساعتها مش عارفة اصلحة رغم انة ماركة حلوة جدا

·                                                    لكن يظهر ان الفلاتة فى اى موبايل تسوء سمعتة على طول

·                                                    قلت لماما سيبينى شوية من غير واحد جديد اشوف اية اللى

·                                                    هيحصللى والحمد لله عايشة اهو ومامتش يعنى خلاصة الكلام عايزة اقول ان الموبايل دة مش لازم يكون

·                                                    فى ايد كل من هب ودب ولا اية رأيكوا